Kreu i PD-së Sali Berisha ka deklaruar se protesta e 17 prillit do të jetë një revoltë e fuqishme e qytetarëve kundër korrupsionit dhe vjedhjeve të kryeministrit Edi Rama dhe qeverisë së tij.
Në një konferencë për mediat, ai theksoi: “Do të jetë një revoltë e fuqishme e qytetarëve shqiptarë në mbrojtje të interesave të tyre më jetike, luftës kundër korrupsionit, shtetit ligjor, mbrojtjes nga vjedhjet e Ramës dhe qeveritarët.
Ju e dëgjuat cilat janë zhvillimet sot në Europë në raport me naftën. Nafta është gjaku i ekonomisë dhe është materia me ndikim më të fuqishëm jo vetëm në industri jo vetëm për ata që kanë makina por dhe ata që ushqehen dhe blejnë në dyqane që përdonin transportin që lëvizin”.