Përgatiti: Anila Pajaziti
Me afrimin e aktivizimit të plotë të sistemit të kamerave inteligjente për monitorimin e trafikut, të njohur si “Safe City”, interesimi i qytetarëve për të ditur sa kushtojnë shkeljet, cilat janë gjobat më të larta dhe në cilat raste merret patenta e shoferit, është rritur ndjeshëm, përcjell INA.
Aktualisht sistemi ndodhet në fazë testuese, por autoritetet paralajmërojnë se shumë shpejt dënimet do të shqiptohen në mënyrë automatike përmes kamerave.
Në bazë të zbatimit praktik të Ligjit për Siguri në Komunikacion në Maqedoninë e Veriut, gjobat variojnë nga 15 euro për shkeljet më të lehta, deri në 300 euro dhe ndalim të patentës nga 3 deri në 12 muaj për shkeljet e rënda.
SHPEJTËSIA – SHKELJA MË E NDËSHKUAR
Brenda vendbanimit:
• Deri 10 km/h mbi limit
15 € gjobë – pa ndalim patente
• 30 – 50 km/h mbi limit
50 € gjobë – pa ndalim patente
• Mbi 50 km/h mbi limit
300 € gjobë + ndalim patente 3–12 muaj
Jashtë vendbanimit:
• Deri 30 km/h mbi limit
20 € gjobë – pa ndalim patente
• 30 – 50 km/h mbi limit
50 € gjobë – pa ndalim patente
• 50 – 70 km/h mbi limit
300 € gjobë + ndalim patente 3–12 muaj
SEMAFORI (E KUQE / E VERDHË)
• Shoferi
250 € gjobë + ndalim patente 3–12 muaj
• Këmbësori
50 € gjobë
VOZITJA NËN NDIKIMIN E ALKOOLIT
• Nga 0.5 promil e lart
250 – 400 € gjobë + ndalim patente 3–12 muaj
• Në rast rrezikimi serioz ose aksidenti
Procedurë penale + arrestim i përkohshëm
MOSDHËNIA E PËRPARËSISË SË KALIMIT
300 € gjobë + mundësi ndalim patente
KTHESA DHE RRETHRROTULLIMI
• Kthesë gjysmë-rrethore e ndaluar
45 € gjobë
• Shkelje në rrethrrotullim
45 € gjobë
NISJE E SHPEJTË / FRENIM I RËNDË
25 – 45 € gjobë
NDALIM OSE PARKIM I NDALUAR
25 – 150 € gjobë
PARAKALIM OSE ANASHKALIM I NDALUAR
35 – 250 € gjobë
SHKELJE TË TJERA TË PESHTA
• Telefon gjatë vozitjes
45 € gjobë
• Mosvendosje e rripit të sigurimit
20 € gjobë
• Lëvizje pa drita gjatë ditës
15 € gjobë
KUR MERRET PATENTA 3–12 MUAJ
Ndalimi i patentës zbatohet në rastet:
Tejkalim ekstrem i shpejtësisë
Kalim në semafor të kuq
Vozitje nën ndikimin e alkoolit
Përsëritje të shkeljeve të rënda
Shkaktim aksidenti me lëndime
KUR PASON ARRESTIM
Vozitje pa patentë
Alkool në gjak mbi kufijtë ekstremë
Aksidente me pasoja të rënda për jetën
ULJA E GJOBËS
Nëse gjoba paguhet brenda 8 ditëve, në shumë raste:
shuma zvogëlohet deri në 50%
Kur pritet të nisë zyrtarisht “Safe City”?
Fillimisht ishte paralajmëruar që kamerat radar të sistemit “Safe City” të nisin zyrtarisht nga muaji janar, por ky afat ende nuk është bërë definitiv, përcjell INA. Ministria e Punëve të Brendshme ka bërë të ditur se mund të ketë shtyrje të afatit, për shkak të nevojës për korrigjime shtesë në sistem, përfshirë përshtatjen e gjobave për tejkalimet, tolerancë në shpejtësi për 10%, harmonizimin e sinjalistikës rrugore, si dhe vendosjen e saktë të shenjave të komunikacionit në zonat e mbuluara nga radarët. Sipas autoriteteve, qëllimi është që sistemi të nisë zbatimin vetëm pasi të krijohen kushte të plota për një ndëshkim të drejtë, të saktë dhe ligjërisht të qëndrueshëm.(INA)