Foltorja që mbajti ish-deputeti demokrat Ervin Salianji pasditen e së mërkurës në Durrës ka sjellë përçarje brenda Partisë Demokratike. Kjo pasi Sali Berisha e cilësoi takimin në Durrës si axhendë personale të zotit Salianji.
Avokati Edmond Petraj tha në studion e QUO VADIS në Vizion Plus se kreu i PD-së Sali Berisha po ndjen rrezik nga lëvizja Salianji.
Por, avokati deklaroi se e sheh si një lëvizje për të bashkuar demokratët, jo për të sjellë përçarje.
Ndërkohë gazetarja Ambrozia Meta ka ngritur pikëpyetje se përse kjo lëvizje e Salianjit është bërë pas disa afrimesh të këtij të fundit me Berishën.
Pjesë nga biseda:
Petraj: Salianji ka takuar elektorat më shumë se sa ata të tjerët. Ka dhënë prova. Salianji ka qenë shumë aktiv që kur ka nisur politikën. Ai është pjekur, por këtë formë unë s’e shoh si ndarje, pavarësisht se Berisha po ndjen rrezikun. Problemi është se politika kështu e ka, sot e kundërshton, nesër… Ata janë një lëvizje për të bashkuar demokratët, kështu e shoh unë.
Meta: Salianji mbajti krahun që Berisha s’duhej të ishte në PD, e ka mbajtur këtë qëndrim prej kohësh. Por kur erdhi puna, u afrua. Pse u kujtua sërish tani?
/vizionplus.tv