Në Bruksel është hapur godina e re e Misionit të Shqipërisë pranë Bashkimit Europian. Kryeministri Edi Rama publikoi pamjet nga ceremonia zyrtare e hapjes, ku mori pjesë edhe Komisionerja për Zgjerim, Marta Kos.
Gjatë fjalës së saj, Kos vlerësoi progresin e Shqipërisë dhe u shpreh se ndihet si një “ambasadore” e vendit në zemër të BE-së, duke theksuar se misioni i saj është të çojë përpara integrimin e Shqipërisë në familjen europiane.
Lexo edhe :
Related Posts
Nga ana tjetër, Kryeministri Rama falënderoi Bashkimin Europian për mbështetjen, duke nënvizuar se koha kur “binte shi e bënte ftohtë jashtë” ka kaluar dhe se sot Shqipëria ndodhet në një etapë të re në marrëdhëniet me BE-në.
Marta Kos: E ndjej veten… ndjesë, si ambasadoren e katërt të Shqipërisë këtu në Bruksel. Po ju po jepni rezultate. Arsyeja e dytë është se ju nuk po flisni vetëm, ju po realizoni. Ne shohim veprat. Nuk jua shpreh dot sa e lumtur jam kur kam mundësi të shpjegoj me fakte që ju keni bërë një përparim vërtet gjigant dhe është e gjitha falë punës suaj. Më pëlqen gjithnjë ta theksoj, nuk ka asnjë proces anëtarësimi pa një udhëheqje të përkushtuar, që nuk i kthehet së shkuarës duke kërkuar të gjejë justifikime se pse diçka është e pamundur, por ju keni një udhëheqje ose keni një udhëheqës, i cili sheh nga e ardhmja që të shquajë apo të kërkojë arsyet e përgjigjet se pse diçka është e mundur. Ky është – dhe do thoja mos më citoni – ky është një nga dallimet më të mëdha midis Shqipërisë dhe disa shteteve të tjera nga Ballkani Perëndimor. Sigurisht, i dashur Kryeministër, i dashur Edi, e kam fjalën për ju dhe do ta mbyll duke thënë: “Kjo është shtëpia juaj e re”. Detyra ime është t’ju sjell ju, Shqipërinë, në shtëpi, në Europë.
/vizionplus.tv