Kush fitoi e kush humbi nga vendimi i Gjykatës Kushtetuese për lënien në detyrë të Erion Veliajt si kryetar i Bashkisë së Tiranës?
Kjo ishte një nga pyetjet që u diskutua në studion e Quo Vadis të moderatores Pranvera Borakaj në Vizion Plus.
E ftuar në studio, pedagogia Arsjeda Gjyli tha se ai që fitoi politikisht ishte Erion Veliaj. Kush humbi? Qytetarët.
Sa i përket reagimit të Ramës, Gjyli tha se ishte normal dhe tregoi se nuk ka përplasje politike mes tij dhe Veliajt.
Pjesë nga biseda:
Borakaj: Kush fitoi e kush humbi?
Gjyli: Nëse ishte betejë politike, fitoi zoti Veliaj. Ata që humbën janë qytetarët e Tiranës, të cilët meritojnë një kryetar të legjitimuar. Në rrethanat që ndodhet zoti Veliaj nuk mund ta ushtrojë dot. Unë mendoj se ligji nuk e lejon zotin Veliaj në formë aktive të qeverisë Tiranën. Qytetarët ndihen të çoroditur për t’u përfaqësuar, përplasjet ligjore bien mbi qytetarin. Deklarata e kryeministrit Rama tregonte se nuk ka një problematikë apo përballje politike. Deklarata thoshte se nuk ka mbivendosje të politikës mbi autoritetin gjyqësor. Sot kemi një drejtësi të pavarur.