Kryetari i Kuvendit, Niko Peleshi, ka mbajtur fjalën e tij gjatë seancës plenare lidhur me mocionin e paraqitur nga opozita për shkarkimin e tij.
Peleshi theksoi se Rregullorja e Kuvendit nuk lejon ofendime, akuza apo pengesa ndaj fjalës së deputetëve dhe se problemi qëndron jo tek ai personalisht, por tek mungesa e vullnetit për të ndërtuar një kulturë të re politike, të bazuar në respektin ndaj Kushtetutës dhe Rregullores parlamentare.
Niko Peleshi: Rregullorja nuk të lejon të fyesh, të shash, të akuzosh, të bllokosh foltoren, të pengosh fjalën e deputetëve apo të vendosësh të mos zbatosh masat disiplinore. Problemi nuk jam unë, por mungesa e vullnetit për tu anagzhuar me një sjellje të re politike, respketim real të Kushtetutës dhe rregullores parlamentare. Kushtetuta dhe rregullorja parlamentare garantojnë të drejtat e deputetit por gjithashtu ndalojnë keqpërodrimin e të drjetës. Keqpërdorimi i të drejtës duhet të jetë vija e kuqe. Nëse do të biem dakord për këtë, nuk do të përballemi me situata të shëmtuara që pamundësojnë zhvillimin e seancës.
Në këtë mocion për shkarkimin e Kryetarit të Kuvendit na ka sjellë rezistenca për të mos lejuar askënd të ndryshojë këtë sallë nga arenë dhune verbale në arnë të mendimeve konstruktuve. Le ta veshim këtë sallë ku dhe unë bëj pjesë prej vitesh me përgjegjësitë e vërteta dhe të pathënë. Kjo kulturë që kultivohet këtu vret shpresat e të rinjve besimin te e nesërmja. Kjo kulturë e urrejtjes këtu ka pjesën e vet edhe në dhunën në shoqëri. E kemi transformuar kuvendin në një arenë lufte. “Gjuha kocka s’ka, por kocka thyen”, thotë populli.