Deputeti i “Lëvizjes Bashkë”, Redi Muçi, i ftuar në Quo Vadis të moderatores Pranvera Borakaj në Vizion Plus foli për seancën plenare të ditës së hënë ku raportoi kreu i SPAK, Altin Dumani.
Muçi tha se ajo që i bëri përshtypje në këtë seancë maratonë, ishet fakti që gjatë raportimit të kreut të institucionit më të rëndësishëm në vend, nuk pati asnjë pyetje nga përfaqësuesit e partisë në pushtet.
Pjesë nga biseda:
Borakaj: Kishit durim, sa orë qëndruat?
Muçi: Deri kur u bë marrëveshja mes dy përfaqësuesve, derisa u mor vendimi për mos folur për zgjedhësit. Ishte seancë e gjatë, por maratonë.
Borakaj: Si ju duk raportimi?
Muçi: Më bëri përshtypje që nga PS nuk pati asnjë pyetje. Është jo normale që një institucion si SPAK, partia në pushtet të mos bëjë asnjë pyetje.
Borakaj: Pse heshti?
Muçi: Heshti sepse i shkon kësaj retorike që ne jemi shumë të lumtur.