Presidenti amerikan Donald Trump paralajmëroi grupin Hamas që të kthejë menjëherë trupat e të kapurve, brenda 48 orëve të ardhshme, përndryshe vendet e tjera që marrin pjesë në marrëveshjen e paqes në Lindjen e Mesme do të ndërmarrin veprime
Në një postim, Trump theksoi rëndësinë e ruajtjes së paqes në rajon dhe shprehu besimin se kjo paqe mund të jetë e qëndrueshme. Megjithatë, ai nënvizoi se për të siguruar paqen, Hamas duhet të kthejë trupat e të kapurve, përfshirë dy qytetarë amerikanë.
“Hamas duhet të fillojë menjëherë të kthejë trupat,” tha Trump, duke shtuar se disa janë më të vështirë për t’u rikuperuar. Ai gjithashtu nënvizoi se disa trupa mund të kthehen tani, por për disa arsye nuk po kthehen. Presidenti amerikan sugjeroi se kjo vonesë mund të lidhet me çarmatimin e anëtarëve të Hamasit, duke theksuar se marrëveshja kërkon “zbatim të plotë të detyrimeve nga të dyja palët”.
“Do të shohim se çfarë do të bëjnë brenda 48 orëve të ardhshme,” përfundoi Trump, duke shtuar se po ndjek situatën “shumë nga afër”