Zv. kryemministrja, Belinda Balluku merret nën hetim nga SPAK. Kështu ka pretenduar kreu i Grupit Parlamentar të PD, Gazment Bardhi. Sipas një postimi të gjatë në faqen e tij në facebook, Bardhi thotë se të hënën ajo është thirrur nga prokurori si e pandehur.
“Belinda Balluku është zyrtarja më e korruptuar e shtetit shqiptar në këto 35 vite. Në çdo aferë, në çdo sektor, janë gjurmët e saj të korrupsionit, nga energjia tek infrastruktura; nga Tuneli i Llogarasë tek Aeroporti i Vlorës. Dosjet e saj në SPAK janë me dhjetëra dhe duket se njëra prej tyre ka marrë rrugë tashmë. Kjo është arsyeja pse prej kohësh tashmë, burime të mirëinformuara, bëjnë me dije se prokurori i posaçëm z. Dritan Premçi është nën presion nga brenda SPAK, nga nivelet më të larta të pushtetit, nga segmete të caktuara mediatike apo nga eksponentë të krimit të organizuar”, shkrun Bardhi.
Bardhi nga ana tjetër pyet prokurorin, Dritan Prençi, për të cilin pretendon se ka nxjerrë fletëthirrjen, nëse Belinda Balluku do të merret në pyetje si e pandehur.
Nga ana tjetët ai i bën thirrje ndërkombëtarëve të cilët kanë interes në mbrojtjen e integritetit të SPAK, të monitorojnë nga afër çështjen në mënyrë që ky institucion të mos i nënshtrohet presionit politik apo kriminal.
Në mes të majit të vitit të kaluar Balluku dëshmoi për më shumë se 3 orë ndërsa tha jashtë dyerve të prokurorisë se u pyet për inceneratorin e Tiranës. Në pranga ka përfunduar edhe vartësi i saj Evis Berberi, drejtori i ARRSH për korrupsion.
SPAK i pyetur zyrtarisht nga Vizion Plus thotë se nuk ka asgjë për të ndarë me median./vizionplus.tv