Forcat e armatosura britanike do të jenë në gjendje të rrëzojnë dronët nëse ata kërcënojnë bazat e tyre, raportoi të dielën The Telegraph, duke shpjeguar se ditën e sotme pritet të ketë një njofti nga Sekretari i Mbrojtjes John Healy.
Healy pritet të përshkruajë vizionin e tij për mbrojtjen e bazave ushtarake më kritike të Britanisë në përgjigje të “kërcënimit në rritje që paraqet Rusia”, raportoi The Telegraph.
Aktualisht, Forcat e Armatooosura mund të përdorin pajisje speciale kundër mjeteve ajrore pa pilot që u lejojnë atyre t’i monitorojnë.
Politika e re do t’i japë aftësinë për të rrëzuar dronët sapo të zbulohen, por vetëm në rrethana që konsiderohen urgjente dhe absolutisht të nevojshme.
Zyra e sekretarit Healy nuk iu përgjigj kërkesës për koment nga Reuters.
Më herët në tetor, qeveria britanike njoftoi se dy avionë të RAF kishin kryer një fluturim 12-orësh së bashku me avionë luftarakë amerikanë dhe të NATO-s, një operacion që pasoi ndërhyrjet me dronë në hapësirën ajrore të shteteve anëtare të aleancës, përfshirë Poloninë, Rumaninë dhe Estoninë, të cilat i atribuohen Moskës.
Fluturimet me dronë kanë shkaktuar gjithnjë e më shumë probleme për udhëtimin ajror në Evropë kohët e fundit, duke çuar në mbyllje të aeroporteve, vonesa dhe anulime të fluturimeve.
Të paktën 18 dronë “të dyshimtë” janë vërejtur në Danimarkë, Suedi, Norvegji dhe Gjermani nga shërbimi i mbikëqyrjes Enigma që nga 16 shtatori, disa pranë aeroporteve./vizionplus.tv