Uji i pijshëm në Shkup u shtrenjtua për tre denarë për metër kub. Shtrenjtimi është mesatarisht rreth 40 denarë, që do të thotë se nëse një familje ka paguar 1000 denarë ujë, tani do të paguajë 1040. Qytetarët tashmë kanë marrë faturat e shtrenjtuara të ujit.
“I morët faturat e reja të shtrenjtuara të ujit? Po – a është shtrenjtimi i madh? 20-30 denarë”, thë një qytetar.
“Ajo që kemi në shtëpi, vetëm për të pirë, për të larë enët, për t ‘u larë dhe 500 denarë, është shumë edhe tani 10%…”, u shpreh një qytetar tjetër.
“Gjithçka është shtrenjtuar, veçanërisht rryma. Uji e kështu me radhë”, tha një qytetar.
Kësaj radhe, Komisioni Rregullator Energjetik ka përcaktuar çmimin e ri të ujit. Vendimi është marrë pasi Këshilli i Qytetit të Shkupit nuk ka respektuar detyrimin ligjor për përcaktimin e çmimit brenda afatit të përcaktuar. Ndërkohë derisa rritet çmimi, vendi humbet sasi të mëdha uji. Sipas të dhënave të fundit nga Qendra e Komunikimeve Civile, 245 milionë metra kub ujë është prodhimi vjetor i ujit në vend dhe më shumë se gjysma e tij humbet.
“Pjesa më e madhe e ujit të pijshëm është në humbje absolute, domethënë në metër kub të humbur, në Shkup humben deri në 63 milionë metra kub në vit. Që është 43% e të gjithë ujit të humbur në vend”, raporton gazetari i Alsat, Angell Dimovski.
Komisioni Rregullator apelon për përdorim racional të ujit./ Alsat.mk