Të gjitha shkollat fillore dhe të mesme në Novi Pazar këtë mëngjes kanë marrë alarm për bomba të dyshuara. Alarmet për bomba kanë mbërritur edhe në shkollat në Gornji Milanovac, Beograd, Nish, Kraguevc, Novi Sad, Jagodinë, Vranjë… Mësimi në ndërrimin e parë në Novi Pazar as që ka filluar, pasi emaili është vërejtur në mëngjes para se nxënësit të hynin nëpër klasa. Fëmijët janë evakuuar, ndërsa policia është në terren duke kontrolluar me hollësi objektet shkollore.
Shkollat në territorin e Prijepoles këtë mëngjes kanë marrë një alarm për bombë, për shkak të së cilës fëmijët janë evakuuar, ndërsa policia po zhvillon hetime.
Bëhet fjalë për shkolla fillore dhe të mesme. Në të njëjtën kohë, në disa shkolla në territorin e Vranjës kanë mbërritur me imejl alarme për vendosje të pajisjeve shpërthyese, madje edhe para se fëmijët të vinin në shkollë.
Alarm për bombë ka edhe në shkollën fillore “Jovan Miodragoviq” në lagjen Vraçar të Beogradit. Fëmijët janë nxjerrë jashtë. E njëjta situatë është edhe në një tjetër shkollë fillore “Sinisha Nikolajeviq”. Prindërit janë informuar se fëmijët janë nxjerrë të sigurt, se policia është njoftuar dhe se po pritet ekipi për kontrollin e shkollës.
Alarm për bombë ka mbërritur edhe në shkollën fillore “Stefan Nemanja” në lagjen Senjak të Beogradit. Në shkollën teknike dhe bujqësore në Valjevë, këtë mëngjes ka pasur njoftim për bombë.
Alarmi për vendosje bombash ka mbërritur këtë mëngjes në dy shkolla fillore në Kraguevc.
Këtë mëngjes, alarm për vendosje bombash kanë mbërritur në disa shkolla fillore në Novi Sad, por edhe në vende të tjera në Vojvodinë, ka raportuar portali “Moj Novi Sad”. Informacione të njëjta ka edhe për shkolla të tjera në Novi Sad.
Gjithashtu, alarme për bomba kanë mbërritur edhe në shkollën fillore “Laza Kostiq” në Kovil, si edhe në disa shkolla në Zrenjanin dhe Zhitishte.