Kumanovari e la fëmijën të lypte para tregut, do të ndiqet penalisht
Kumanovë, 12 maj- Një 37-vjeçar nga Kumanova po përballet me akuza penale për neglizhencë dhe abuzim ndaj fëmijës së tij 11-vjeçar, të cilin dyshohet se e ka detyruar të lypë para tregut në qytet.
“Sektori i Policisë në Kumanovë ka ngritur kallëzim penal ndaj A.M. (37), për shkak të dyshimeve të bazuara për kryerjen e veprës penale të neglizhencës dhe abuzimit me fëmijën. Më 20 mars të këtij viti, i dyshuari e kishte lënë fëmijën e tij 11-vjeçar të lypte para një tregu në Kumanovë”, thuhet në buletinin e Policisë së Kumanovës. Televizioni News