Kryetari i PD-Demokratët Euroatlantikë, Lulzim Basha, ka marrë pjesë në Nënkomitetin për Ballkanin Perëndimor të Asamblesë Parlamentare të Këshillit të Evropës që u zhvillua në Beograd.
Në fjalën e tij, Basha ndër të tjera foli për Kosovën, ku tha se gëzon pavarësi dhe ky është një realitet i pakthyeshëm.
Ai më tej u shpreh se anëtarësimi i saj në organizatat ndërkombëtare sjell siguri jo vetëm për qytetarët Kosovës, por edhe për minoritetet që jetojnë aty.
Basha gjithashtu foli për sulmin terrorist të Banjskës, ku tha se përgjegjësit ende nuk janë vënë para drejtësisë.
Kreu i demokratëve euroatlatikë më tej u shpreh se është përgjegjësi e Beogradit që të arrestojë fajtorët që janë ende të lirë në Beograd, dhe të ndëshkohen.
“Fajtorët kryesorë për sulmin në Bajnskë janë ende të lirë këtu në Beograd. Dhe mund të ndodhë që të ndeshemi me ta në korridoret e hoteleve këtu në Beograd. Nuk duhet dhe nuk mund të tolerohet mosndëshkimi për akte të tilla. Kështu merr formë angazhimi për paqen dhe stabilitetin. Në Beograd, fjala ime në Nënkomitetin për Ballkanin Perëndimor të Asamblesë Parlamentare të Këshillit të Europës”, tha Basha.