Shefi i Grupit Parlamentar të Aleancës për Ardhmërinë e Kosovës [AAK], Besnik Tahiri, ka deklaruar se mosekzekutimi i pagave për zyrtarët publikë dhe skemat sociale është situatë “e tmerrshme” dhe “papërgjegjësi totale”.
Tahiri tha në “Debat Plus” se kjo çështje nuk është problem administrativ.
“Jemi në një situatë realisht e tmerrshme. Pa përgjegjësi totale. Nuk është problem administrativ”, vijoi Tahiri.
Sipas propozimit të Tahirit, janë “dy mundësi” të daljes, fillimisht “me ndodh diçka shpejt e me amadamentu në kuvend vetëm këtë nen”.
“Janë dy dalje të mundshme. E para me ndodh diçka shpejt në Kuvend dhe me u amandemantu vetëm ky nen. Dalja e dytë, por nuk është shumë e saktë, do të duhej të thërrisin juristë eminentë në Qeveri dhe nëse shkojmë te ligji i menaxhimit të Financave Publike, te neni 4 ku flet për Departamentin e Thesareve, te pika 4.5 thuhet se ‘thesari udhëhiqet nga drejtori I përgjithshëm, ndërsa ministri është i autorizuar që të njoftojë drejtorin e Përgjithshëm pas marrjes së pëlqimit me shkrim të PCN[përfaqësues Ndërkombëtar]. Ky ligj është amandemantu disa here”, tha Tahiri.
Tahiri ka akuzuar Qeverinë Kurti për vendosjen e Kosovës në “një bllokadë” dhe “është një lojë e madhe me një korpus të madh të numrit të njerëzve”.
“Dalja e vetme ligji ose referimi te ligji për Menaxhimin e Financave Publike”, vijoi Tahiri.