Xhama kishte kudo nëpër tokë.
Nuk është ky i vetmi dëmë që u shkaktua, kur në orët e para të së dielës tek kjo pompë derivatësh në Zveçan në pronësi të një shqiptari, ndodhi një shpërthim.
“Një mjet shpërthyes u hodh gjatë natës drejtë kësaj pompe të derivatëve këtu në Zveçan, e cila është jashtë përdorimit momentalisht, përveç dëmeve materiale nuk ka të lënduar, ani pse atë ishin duke e ruajtur, pjestarë të Policisë së Kosovës ne momentin kur ndodhi shpërthimi, për momentin nuk ka të arrestuar lidhur me rastin”.
Nga shpërthimi u dëmtua edhe një biznes serb në afërsi e edhe disa vetura.
“Rreth mesnatës në afërsi të pompës së benzinës e cila është në qendër të Zveqanit ka ndodh një shpërthim. Nga ky shpërthim nuk ka të lënduar, ndërsa ka pas dëme materiale në shtëpizën e pompës së benzinës dhe disa vetura në afërsi. Nuk mund të themi ende se çka e ka shkaktu këtë shpërthim, ndërsa njësitet përkatëse kanë dal në vendin e ngjarjes. Në kohën e shpërthimit, pompa e benzinës nuk ka qenë aktive ndërsa rasti cilësohet si shkaktim i rrezikut të përgjithshëm”, ka theksuar Veton Elshani, zëdhënes i Policisë për rajonin e veriut.
Në vendin ku policia tashmë po i kryente punët e saja, ishin edhe pronarët por zgjedhën të heshtin për krejt cka ju kishte ndodhur.
Derisa nga policia u treguan të rezervuar për të dhënë detaje, megjithatë ata tashmë e kanë një listë të të dyshuarve.
“Një listë me emra të dysharve, i është dhënë më herët nga qytetarë serb, të cilët kemi komunikim dhe bashkëpunim, janë dhënë organëve të rendit, duket se Policia e Kosovës është e interesuar që shkoj gradualisht hap pas hapi me përforcim të sigurisë”, ka theksuar Vokrri.
Pra, këto sulme sipas zëvendësministrit të Administrimit të Pushtetit Lokal, Arbër Vokrri, janë të orkestruara nga Lista Serbe.
“S’ka asnjë dyshim që ata janë përkrahës, e shumë prej tyre anëtar të Listës Serbe, e cila mbetët kampione e kauzës së ndarjës territoriale të Kosovës”, ka deklaruar ai.
Këto verpime nuk po i sheh si shqetësuese njohësi i sigurisë, Arben Dashevci.
“I shoh si tendenca të grupeve të caktuara, ose tendenca të fabrikura që gjithmonë ta mbajnë republikën e Kosovës në tension, ose mundësi tensionimi të situatës në Republikën e Kosovës, pasi situata anej lumit Iber është duke shkuar drejt normalizimt”, ka theksuar ai.
Në vendin ku ndodhi sulmi shkoi për ta paërë nga afër edhe kryetari i Komunës së Zveçanit, Ilir Peci.