SHBA, Egjipti, Katari dhe Izraeli kanë arritur të bien dakord për “konturet themelore” të një marrëveshjeje pengjesh për një armëpushim të përkohshëm në Gaza.
Kështu ka thënë të dielën për CNN, këshilltari amerikan për sigurinë kombëtare, Jake Sullivan, përcjell Telegrafi.
Marrëveshja është ende nën negocim, tha Sullivan, i cili shtoi se do të duhet të ketë diskutime të tërthorta nga Katari dhe Egjipti me Hamasin.
Benjamin Netanyahu mblodhi kabinetin e tij të luftës për një konferencë të shtunën në mbrëmje nga shefat e inteligjencës që u kthyen nga një takim me ndërmjetësuesit e Katarit, Egjiptit dhe SHBA-së në Paris për një armëpushim të dytë të mundshëm të Gazës.
Burimet egjiptiane të sigurisë thanë se do të ketë më shumë bisedime këtë javë në Doha, me ndërmjetës që do të udhëtojnë ndërmjet Hamasit dhe delegatëve izraelitë – me një raund pasues në Kajro.
Pauza e parë e luftimeve, në nëntor, pa lirimin e rreth gjysmës së 253 personave që Hamasi mori peng gjatë sulmeve të 7 tetorit, në të cilat u vranë 1200 njerëz.
Në atë marrëveshje, Izraeli liroi trefishin e numrit të palestinezëve nga burgjet e tij të sigurisë dhe pranoi më shumë ndihmë humanitare në Gaza.
Mediat izraelite, duke cituar zyrtarë të paidentifikuar, raportuan se ekzistonte një kornizë për kthimin e rreth një të tretës së 130 pengjeve të mbetura gjatë një armëpushimi gjashtëjavor që mbulonte muajin e shenjtë mysliman të Ramazanit (në mars/prill).
Megjithatë, nuk ka asnjë konfirmim zyrtar nga asnjëra palë. /Telegrafi/