Gazetari i të përditshmes, Koha, Arben Ratkoceri njëherë edhe njohës i mirë i rrethanave politike ka thënë se për shqiptarët e Maqedonisë dhe jo vetëm, Korridori 8 për nga rëndësia është “Marrëveshja e dytë e Ohrit”.
Ai ka krahasuar atë me ndërtimin e autostradës Zagreb-Split dhe ka thënë se në inaugurimin e autostradës Zagreb-Split, ish presidenti kroat, Tuxhman, e cilësoi si çlirimi i dytë i Kroacisë. Po ashtu, autostrada e Kombit deri në Prishtinë dhe ajo për Bllacë, përafërsisht kishte cilësime të njëjta nga Sali Berisha e Hashim Thaçi
Ratkoceri ka thënë se të gjithë këto korridore i ka ndërtuar kompania amerikano-turke “Bechtel-Enka”.
Ka shtuar se për Maqedoninë, shqiptarët në rajon, por edhe amerikanët – siç deklaroi sot ambasadorja e SHBA-ve, kjo autostradë është e rëndësisë së madhe
Shkrimi i plotë:
Inaugurimin e autostradës Zagreb-Split, ish presidenti kroat, Tuxhman, e cilësoi si çlirimi i dytë i Kroacisë. Po ashtu, autostrada e Kombit deri në Prishtinë dhe ajo për Bllacë, përafërsisht kishte cilësime të njëjta nga Sali Berisha e Hashim Thaçi. Edhe për shqiptarët e Maqedonisë dhe jo vetëm, Korridori 8 për nga rëndësia është “Marrëveshja e dytë e Ohrit” .
Këto korridore i ka ndërtuar kompania amerikano-turke “Bechtel-Enka” .
Për Maqedoninë, shqiptarët në rajon, por edhe amerikanët – siç deklaroi sot ambasadorja e SHBA-ve, kjo autostradë është e rëndësisë së madhe. Rëndësia nuk është vetëm infrastrukturore, por edhe politike e strategjike, sepse Ballkani naftë apo miniera ari nuk ka dhe të gjitha konfliktet janë bërë për kontrolle korridoresh.
Ndryshe, si dëshmitar okular, ky projekt është sulmuar e minuar nga qarqet më antishqiptare në rajon që nga idea fillestare e saj gati 30-vjeçare. Hyni në google dhe shihni se si përdoren “argumentet” e njejta kundër Ali Ahmetit e sidomos zëvendëskryeministrit Artan Grubi si “frontmena” të këtij projekti me ato që u “pollën” kundër Tuxhmanit, Berishës apo Thaçit. Do të dështojnë sepse janë të paktë dhe Korridori 8 duket se do bëhet realitet falë edhe përkrahjes së liderëve të tjerë shqiptarë, kryeministrit Kovaçevski, atij opozitarit Mickovski, e sidomos ambasadorës amerikane!