“Kandidatët e Alibashës, janë të Edi Ramës”. I këtij mendimi ka qenë deputeti i PD Edi Paloka, teksa komentoi zhvillimet politike në vend.
Në një intervistë në emisionin 7pa5 për Vizion Plus, Paloka tha se kadidatët e Alibeajt nuk kanë hyrë në zgjedhje për të fituar, por për të dëmtuar koalicionin “Bashkë Fitojmë”.
Ai shtoi se Berisha mbështeti demokratët kur ata ishin në hall, teksa shton se ai është shpresa e të gjithëve.
“Unë nuk i kam marrë fare kandidatët e Alibashëve në diskutim emër për emër. Ata janë kandidat të Ramës. Ata e kanë thënë që ne nuk kemi hyrë për të fituar por për të treguar që ne humbim pa ata. Ata e deklarojnë me gojën e tyre, po e thonë nga sinqeriteti i tepërt a nga injoranca nuk e di.
Pavarësisht emrave, ata janë kandidatët e Ramës. Ne kemi kandidatë që kanë dalë nga vota e demokratëve.
Që ka njerëz që nuk e duan Berishën kjo është e qartë. Fakti që Rama është i tmerruar nga Berisha flet shumë. Ndoshta dhe nuk është koha e Berishës nuk e vë në dyshim. Por nuk po analizoj kohën kur ka qeverisur Berisha me qeverinë e Ramës. Në këto dy qeverisje ccdo shqiptar e ka të qartë se kush ishte më mirë. Në 2013 sa kemi blerë ne me rrogën që kishim dhe sa blejmë sot me rrogën që thotë Rama se do na e rrisë. Nuk është mosha ajo që përcakton, por ndershmëria dhe sinqeriteti.
Kanë gjithë hapësirën të vijnë në PD të bindin demokratët që Berisha nuk mund të jetë ai që do qeverisë
Berisha është aty se e duan demokratët. Unë nuk i shkova pas Berishës për hallet e tij, por ne ishim në hall. Berisha nuk ka iluzione se do rrijë 20 vite në pushtet. Këtë ndryshim e shohim vetëm tek Berisha”, tha Paloka.