TV News
Diaspora

833 miliardë euro remitenca gjatë një viti nga mërgimtarët e Shqipërisë

Shtetet kryesore nga ku e kanë origjinën dërgesat e emigrantëve Shqipëri

E enjte, 30 Mars 2023 – 9:00
albinfo.ch

pixbay.com

Banka e Shqipërisë ka prezantuar në raportin e saj të fundit se dërgesat e emigrantëve kanë arritur 833 miliardë euro gjatë vitit 2022, përcjell albinfo.ch.

Banka e Shqipërisë tregon se në total, emigrantët kanë dërguar të paktën 73 milionë euro më shumë se viti pararendës, 9.6% më shumë dërgesa nga emigrantët gjatë vitit 2022, krahasuar me vitin 2021. Gjithashtu, shifrat tregojnë se tremujori i fundit i vitit të kaluar ka thyer një rekord historik, me rreth 241 milionë euro dërgesa, kjo shifër është edhe më e lartë se tremujori i dytë i vitit 2009.

Të dhënat për hulumtim janë marrë nga databaza e Bankës Botërore. Vendet kryesore nga ku e kanë origjinën dërgesat e emigrantëve shqiptar janë Greqia, Italia, Shtetet e Bashkuara të Amerikës, Maqedonia, Gjermania dhe Kanadaja. Këto gjashtë vende kanë peshën kryesore të remitancave me Shqipërinë duke qenë se përbejnë 98% të totalit. Vendet e tjera përbëjnë një përqindje shumë të ulët, vetëm 2% të totalit, megjithatë është interesante të shohësh vendet e huaja prej nga shtetasit tanë dërgojnë të ardhurat e tyre.

Rritja e remitancave përfaqëson një zhvillim shumë pozitiv për ekonominë shqiptare, pasi ato luajnë një rol kritik për anëtarët e familjeve të emigrantëve që kanë mbetur në vendet e origjinës. Së pari, këto transferime mund të ndihmojnë shumë familje të zbusin goditjet e pafavorshme makroekonomike. Së dyti, duke marrë parasysh faktin që dërgesat e parave përfaqësojnë një pjesë të konsiderueshme të PBB-së nominale të ekonomisë, do të ketë një ndikim shumë më të madh në ekonomi, duke ndihmuar gjithashtu kontekstin makroekonomik. Remitancat ndihmojnë politikën fiskale, duke ndikuar ne shtimin e konsumit në nivelet e PBB-së dhe TVSH-së (Tatimit mbi Vlerën e Shtuar). Ato mbështesin po ashtu sektorin financiar, duke liruar aksesin në kushtet e kredisë, politikën monetare,  por edhe tregun e punës, duke dhënë mbështetje për të vetëpunësuarit dhe duke u bërë burim i rëndësishëm financimi për biznesin e vogël.



Lajme të ngjashme

Ndërrroi jetë këngëtari i njohur kumanovar Xhelal Xheladini

Suad Avdiu

Ka pushuar së rrahuri zemra e veteranit të Lëvizjes çlirimtare, Qani Dehari

Suad Avdiu

Studimi: Nuk ka vend në botë që nuk ka një shqiptar

Vlora Zenuni Hamiti