Të shtunën më 25 mars në Vjenë u organizua një mbëmje me shkrimtarin dhe publicistin Arben Kallamata, raporton albinfo.at
E hënë, 27 Mars 2023 – 23:20
Një mbrëmje që filloi shumë e qetë, ndërkohë që inspiroi pyetjet më largpamëse që angazhojnë nocionin e shqiptarisë në shekuj. Mes rreshtash dhe antitezash u diskutua rreth identitetit të popullit shqiptar, duke shtruar një pyetje legjitime, gjendet ai ende në një krizë të pa rikuperuar apo është thjesht një trend i nivelit të personalitetit kombëtar momental?
Një pyetje që u shtrua përreth dy romaneve të autorit që: A është e afërt apo e largët ideja e pasqyrimit të shqiptarëve të Arben Kallamatës?
Këto nocione dhe mentalitete shqiptare i trajton Kallamata në dy romanet e tij “Hijet e muzgut” dhe “Un Mort” duke rikthyer historinë nëpërmjet stilit të rafinuar letrar, gjë që njihet relativisht vonë në traditën e letërsisë shqiptare. Fokusi kryesor qëndron nën penën tërheqëse të Kallamatës në ndërthurjen e elementeve historikë dhe mitologjikë duke i dërguar këto në një dimension antitezash në të cilin ai pozicionon dhe nocionin e identitetit të shqiptarëve. Sigurisht fantazia e tij si dhe pena analiste dhe tejet metaforike ofrojnë për lexuesin një përjetim të veçantë, të paharrueshëm, shkruan albinfo.at
Përpunimi i të kaluarës është një hap i rëndësishëm për zhvillimin dhe rigjetjen e “UNIT” filozofik dhe identitar shqiptar. Projektimi dhe reflektimi i të kaluarës sonë na tregon së fundmi siç thotë dhe Gandhi: “Historia i mëson njerëzit që ata s´mësojnë nga historia.” Pra, vlen për ne shqiptarët, që dikur duhet të fillojmë të mësojmë nga historia jonë.
Mbrëmja u organizua nga “Glanz- Ing. Tendler Performances”, Znj. Ingrid Mukeli Tendler, Z. Benson Tendler, Znj. Matilda dhe Z. Arben Seferi, Z. Arben Spiro etj.
Romanet e Arben Kallamatës mund ti gjeni në Adrion Tiranë, Amauon si dhe Amazon.
