TV News
Diaspora

“Shkolla Shqipe” në Zvicër hapi edhe një klasë në Cyrih

E premte, 24 Mars 2023 – 21:20
albinfo.ch

Të mërkurën “Shkolla Shqipe” në Zvicër hapi edhe një klasë për mësimin e gjuhës shqipe në Feuerthalen, në kantonin e Cyrihut. Mësimi do ta mbahet çdo të mërkurë nga prof. Isuf Ismaili, në një nga klasat e shkollës “Stupmenboden” në Feuerthalen, nga ora 16:00 – 17:45.

Vizioni i “Shkollës Shqipe” në Zvicër është hapja e sa më shumë klasave të tjera dhe të përfshihen sa më shumë nxënës në orët e gjuhës shqipe. Kjo gjithnjë e më tepër po bëhet realitet dhe shembull i mirë që duhet ndjekur nga të gjithë.

Me synimin e vetëm, që të ruajë gjuhën dhe kulturën shqipe, mërgimtarët janë duke punuar për të hapur sa më shumë dyer të shkollave për mësimin e gjuhës shqipe. Si zakonisht, çdo hapje e klasave shkollore shoqërohet me gëzimin e papërshkrueshëm të nxënësve, të cilët posa marrin librat në dorë, dallohen për nga buzëqeshja, e cila është e veçantë, sepse më në fund edhe atyre iu jepet mundësia, edhe pse janë larg atdheut, që ta mësojnë gjuhën e nënës, përcjell albinfo.ch.

Nxënësit: Rioni, Dori, Amari, Ermali, Seiti, Jasini, Mirlandi, Omeri, Uthmani, Mirlandi, Sandra, Nilayi, Leyahi, Medini, Medina, Ahili dhe Ajani u bëjnë thirrje bashkëmoshatarëve të tyre që ata t`iu bashkëngjiten në rrugën e diturisë.

Edhe prindërit ishin të përkushtuar sa i përket nisjes së mësimit në gjuhën shqipe për fëmijët e tyre, ata premtuan se do të kontaktojnë edhe me prindër të tjerë, me qëllim që numri i nxënësve shqiptarë të vijë duke u shtuar në Feuerthalen dhe kështu të ketë mundësi  të fillojmë edhe ndarjen e nxënësve në grupe, përcjell albinfo.ch.

Ky qe një fillim i mbarë, ku nxënësit patën rastin të ndjekin shpjegimet e prof. Isuf Ismailit rreth punës dhe detyrave në këtë tremujorësh, me qëllim që ata të përvetësojnë sa më parë mësimin e gjuhës sonë. Shkronjat, fjalët, drejtshkrimin dhe drejtshqiptimin e fjalëve dhe kështu fëmijët do të kenë mundësi  të lexojnë dhe të shkruajnë sa më bukur në gjuhën shqipe.

 



Lajme të ngjashme

Vazhdon organizimi masiv i VLEN-it për mërgatën

Suad Avdiu

Nesër voton Diaspora

Suad Avdiu

Gashi nga Cyrihu: Jemi të interesuar ta ndryshojmë jetën e shqiptarit në Maqedoni

Suad Avdiu