Një veturë ka përplasur një grup njerëzish duke lënë disa të plagosur në Mynih, ka thënë policia.
Gazeta gjermane Bild, duke cituar burime zyrtare, raportoi se 15 persona kanë mbetur të lënduar.
Siç raporton BBC, policia ka konfirmuar se një operacion i madh është duke u zhvilluar në zonën Dachauer Strasse.
Shoferi u ndalua në vendngjarje dhe nuk paraqet rrezik të mëtejshëm, thuhet nga ana e policisë.
Incidenti ndodhi në skenën e një mitingu të lidhur me sindikatat e transportit Verdi, sipas mediave lokale.
Konferenca e Sigurisë në Munih pritet të nisë të premten, ku do të marrin pjesë edhe nënpresidenti amerikan, JD Vance, dhe presidenti i Ukrainës, Volodymyr Zelensky.