Einxhel Shkira pritet të jetë një nga opinionistet e edicionit të tretë të Big Brother VIP Kosova, duke sjellë ekspertizën në këtë rol të rëndësishëm.
Sipas burimeve pranë spektaklit, Einxhel ka lënë mbresa të mëdha me aftësitë e saj në dhënien e opinioneve gjatë dy puntatave të Big Brother VIP Albania 3, ku ajo doli në pah për mënyrën e qartë dhe të argumentuar të shprehjes së mendimeve.
Performanca e saj ka impresionuar organizatorët e Big Brother VIP Kosova (BBVK), të cilët vendosën t’i ofrojnë një vend në karrigen e opinionistes për edicionin e tretë të spektaklit, duke shtuar një vlerë të re në panelin e diskutimeve të spektaklit të shumëpritur.
Einxhel ka përvojë të gjerë me formatet e tilla televizive, duke qenë vetë ish-banore në edicionin e parë të Big Brother VIP Albania, ku arriti deri në finale dhe përfundoi në vendin e tretë.
Përvoja personale e saj si pjesëmarrëse i jep një perspektivë unike që me siguri do të kontribuojë në vlerësimin dhe analizimin e situatave që do të ndodhin në shtëpinë e Big Brother VIP Kosova.
Fansat e spektaklit dhe të Einxhel Shkirës mezi presin të shohin se si ajo do të ndikojë në dinamikën e diskutimeve dhe debatet që do të zhvillohen rreth ngjarjeve brenda shtëpisë. /Telegrafi/