Gina Schumacher, vajza e legjendarit Michael , u martua me partnerin e vjetër Iain Bethke të shtunën në Mallorca.
Ceremonia u zhvillua në një ishull spanjoll në një vilë luksoze familjare, vlera e së cilës llogaritet në më shumë se 30 milionë euro, të cilën Schumacher e bleu nga Florentino Pérez, presidenti i Real Madridit.
Sipas informacioneve të Bild , në organizimin e dasmës janë përfshirë kompani të ndryshme dhe të gjithë punonjësit duhet të ulnin celularët përpara se të hynin në pronë për të mos fotografuar dhomat dhe ambientet private të familjes.
Në të njëjtën kohë, e njëjta media në pjesën e fundit të tekstit përmend edhe praninë e mundshme të vetë legjendës së Formula 1 në dasmën e vajzës së tij.
“A ka qenë vërtet Schumi i pranishëm në dasmë të shtunën? Është e mundur. Madje shumë e mundur. Megjithatë, ai nuk ishte në kopshtin ku ishin të ftuarit e tjerë, disa prej të cilëve, pa dyshim, nuk i përkasin rrethit më të ngushtë familjar”, thuhet në tekstin e Bild-it.