Gjermania nuk gjen qetësi, pasi organizata sindikaliste Verdi ka paralajmëruar sërish greva javën e ardhshme, duke përfshirë transportin publik, si metro, autobusë, tramvaje.
Ndryshe nga herët e tjera, pjesë e protestave do të jenë edhe stjuardesat. Sipas sindikatës, e cila përfaqëson 90,000 punëtorë në këtë sektor, demonstratat do të zhvillohen në ditë të ndryshme në çdo shtet, duke kulmuar më 1 mars.
“Mesazhi i dërguar nga punëtorët më 2 shkurt, padyshim nuk u kuptua mjaftueshëm dhe negociatat kolektive në shtete mbeten të pafrytshme,” tha nënkryetarja e Ver.di, Christine Belle.
Sipas saj, në mobilizimin e mëparshëm kanë marrë pjesë punëtorë në 80 qytete dhe 40 rajone. I vetmi shtet ku nuk planifikohen greva është Bavaria, ku kontratat janë ende në fuqi.
Ndër kërkesat e punëtorëve janë reduktimi i orarit të punës pa humbje financiare, periudhë më e gjatë pushimi ndërmjet turneve dhe më shumë ditë pushimi me rritje të pagës për pushime.
Ndërkohë, deri në vitin 2030, do të duhet të punësohen 110,000 punonjës të rinj në mënyrë që kalimi në llojin e ri të transportit të jetë i suksesshëm, vlerëson sindikata.
Ndërkohë një tjetër sindikatë, e cila përfaqëson 18,000 punëtorë taksie, u ka bërë thirrje anëtarëve të saj të marrin pjesë në grevë.
“Nuk na pëlqen të shkojmë në rrugën e përshkallëzimit, por nuk kemi alternativë tjetër pasi Lufthansa nuk po përmbush kërkesat tona ligjore,” tha presidenti i sindikatës Joachim Vázquez Burger.
Vasquez Burger paralajmëroi gjithashtu për një “verë kaosi” dhe fajësoi Lufthansa, duke përmendur mungesën dramatike të stafit.
Në javët e fundit, Ver.di ka mbajtur dy greva të stafit të aeroportit, duke çuar në anulimin e mijëra fluturimeve.