Aleanca për Shqiptarët ka demantuar lajmin e takimit të Taravarit me liderin e VMRO-së, Hristijan Mickoski.
“Kryetari i Aleancës për Shqiptarët, Arben Taravari nuk ka pasur takim as gjatë ditës e as sonte me kryetarin e VMRO-DPMNE-së, Hristijan Mickoski.
Lajmi i publikuar në disa media për gjoja takim mes kryetarit Arben Taravari me Mickoskin është i rremë, pasi makina të cilën e sjellin si “fakt” këto media, ajo nuk është e kryetarit të ASH-së.
Makina në fjalë është e kryetarit të Degës së VMRO-DPMNE-së nga Komuna Mavrovë-Rostushë, Haris Ibrahimi.
ASH edhe një herë thekson se siç ka pasur deri më tani takime kryetari Taravari dhe asgjë nuk është fshehur nga opinioni, ashtu do të veprojë edhe në të ardhmen. Aleanca po mbetet me transparencë të plotë dhe e hapur për çdo media në çdo kohë për të ndarë informata me karakter publik që të mos vijë deri te spekulimet dhe keqinterpretimet sikurse me rastin siç po ndodh për momentin me disa media të caktuara” – thuhet në demantin e dërguar nga Aleanca për Shqiptarët.