Shqiptarët në Austri janë të integruar dhe po korrin suksese në shumë fusha. Ndër bashkëkombëset tona të suksesshme dhe që angazhohet në Austri është edhe Neale Jahiu,e lindur e rritur në Austri me prejadhje nga fshati Vishticë Komuna e Likoves Nealja 26 vjeçare e cila jeton dhe vepron në Komunën e Traisenit, në Austri. Nealja ka kryer shkollimin primar dhe sekondar, ka qenë e angazhuar në kompani të ndryshme duke fituar përvoja të shumta. Momentalisht është e angazhuar tek firma “Prefa , firmë e cila operon edhe në 18 shtete tjera dhe ka 400 punëtorë, firme cila dhe është e njohur për ndërtim të kulmeve të shtëpisë. Zonja Jahiu është e angazhuar në sektorin e etiketimit të pakove që porositen nga klientët. Jahiu është e angazhuar edhe në Sindikatën e punëtorëve, në cilësinë e zëvendëses së kryetares së Sindikatës. Sindikata luan një rol të patjetërsueshëm të mbrojtjes së të drejtave të punëtorëve. Sidomos, në sigurimin e të hyrave shtesë, si paga e 13-të dhe ajo e 14-të, që sigurohen për punëtorë nga ana e shtetit austriak, por prej Sindikatës. Po ashtu, nëpërmjet Sindikatës, rrëfen Jahiu, kemi edhe shumë gjëra tjera pozitive, që si punëtorë mund t’i gëzojmë. Neale Jahiu Jahiu ka treguar se kanë edhe komunikim dhe bashkëpunim me sindikatat tjera, porse ajo është e fokusuar për të dhënë kontributin e saj primar vetëm në sindikatën të cilës i takon. Duke folur për të ardhmen e saj, ajo thekson se është e interesuar të arrijë sa më shumë në karrierë, dhe se është duke vazhduar shkollimin e saj. Nealja ka shprehur edhe ndjenjat dhe lidhjet qe ka me vendlindjen fshatin Vishticë Komuna e Likovës e cila theksoi se së paku dy herë në vjet shkon në vendlindje për të vizituar pjesën tjetër të familjes së saj.
Televizioni News /Vlora Zenunu