Zëvendësministri i Arsimit, Driton Sulejmani, ka reaguar me ironi ndaj *Bujar Osmanit lidhur me takimet e këtij të fundit me zyrtarë serbë dhe rusë gjatë kohës kur ishte ministër i Punëve të Jashtme. Përmes një postimi në rrjetet sociale, Sulejmani ka renditur disa nga takimet dhe kontaktet e Osmanit, si dhe vizitën e ministrit të Jashtëm rus, Sergej Lavrov, në Shkup në nëntor të vitit 2023.
“PYETJE PËR CHATGPT:
Sa takime mbajti Bujar Osmani me zyrtarë serbë dhe rusë gjatë mandatit të tij si ministër i Punëve të Jashtme?
PËRGJIGJE E CHATGPT:
1. Takime me zyrtarë serbë
– 18.02.2021 Aleksandar Vučić, president, Beograd
– 18.02.2021 Nikola Selaković, ministër i Jashtëm, Beograd
– 18.02.2021 Ivica Dačić, kryetar i Kuvendit, Beograd
– 25.02.2022 Nikola Selaković, ministër i Jashtëm, Shkup
– 25.05.2023 Ana Brnabić, kryeministre, Beograd
– 25.05.2023 Ivica Dačić, ministër i Jashtëm, Beograd
– 25.05.2023 Vladimir Orlić, kryetar i Kuvendit, Beograd
2. Takime me zyrtarë rusë
– 31 janar 2022: Takim me ambasadorin rus Sergej Bazdnikin, lidhur me zhvillimet në Ukrainë.
– 30 gusht 2023: Bisedë telefonike me ministrin e Jashtëm rus Sergej Lavrov, në cilësinë e kryesuesit të OSBE-së.
(Ka ende, por po kaq i numëroi 😀)
PYETJE PËR CHATGPT:
Me cilët zyrtarë shqiptarë në Republikën e Maqedonisë së Veriut është takuar Aleksandar Vuçiq?
PËRGJIGJE E CHATGPT:
Me Ali Ahmetin dhe Bujar Osmanin.
Ende ka dyshime për ndikimin serb?”, ka shkruar Driton Sulejmani.