Të dielën do të zhvillohet në Rajonin e Posaçëm Administrativ të Makaos të Kinës Galaja e Muzikës së Filmit “Hëna që ngrihet mbi Zonën e Madhe të Gjirit” për vitin 2026.
Mbi njëqind regjisorë dhe muzikantë nga të dyja anët e Ngushticës së Tajvanit, Hong- Kongu, Makao dhe jashtë vendit do të përdorin muzikën e filmave të njohur për të shprehur ndjenjën e përbashkët “Ne jemi një familje” mes kinezëve në mbarë botën.
Ky vit shënon edicionin e pestë të Galasë “Hëna që ngrihet mbi Zonën e Madhe të Gjirit” dhe vitin e tretë radhazi që ajo mbahet në Makao. Galaja vazhdon të përdorë pamjen dhe muzikën e filmit për të bashkuar shpirtin dhe kulturën e kombit kinez, duke shfaqur zhvillimin e ri të Zonës së Madhe të Gjirit Guangdong – Hong-Kong – Makao. Teknologjia skenike e nivelit të lartë do të forcojë shprehjen artistike të standardit të lartë të skenës “Hëna që ngrihet mbi Zonën e Madhe të Gjirit” të këtij viti. Repertori përfshin jo vetëm këngë klasike që mbartin kujtimet dhe rezonancën emocionale të kulturës kineze, por edhe këngë origjinale me tema të pasura dhe zhanre të larmishme, duke pikturuar së bashku “Rrugën e Qumështit” më të bukur të Zonës së Madhe të Gjirit ndërsa afrohet Festa e Mesvjeshtës dhe Dita Kombëtare e Kinës.