Qytetarët e Kumanovës ankohen për mosgrumbullimin e mbeturinave
Banorë të lagjeve të ndryshme në Kumanovë kanë shprehur shqetësimin e tyre për mosgrumbullimin e mbeturinave, duke thënë se kontejnerët dhe hapësirat përreth tyre janë tejmbushur tash e më shumë se 10 deri në 15 ditë.
Sipas qytetarëve, situata po krijon pamje të pakëndshme, erëra të rënda dhe rrezik për shëndetin publik, veçanërisht gjatë temperaturave të larta.
Ata kërkojnë nga institucionet kompetente dhe ndërmarrja përgjegjëse që të ndërmarrin masa urgjente për pastrimin e mbeturinave dhe normalizimin e gjendjes.
Qytetarët apelojnë që ky problem të zgjidhet sa më shpejt, në mënyrë që të ruhet pastërtia dhe higjiena në qytet/TELEVIZIONI NEWS
