Policia e Maqedonisë së Veriut ka arrestuar një 35 vjeçar nën dyshimet se ka sulmuar fizikisht kryetarin e komunës dhe e ka kërcënuar përmes rrjeteve sociale, transmeton Portalb.mk.
“Nëpunës policorë nga NJPB Kavadar e privuan nga liria I.A. (35) nga Rosomani, i cili në rrugën “Proleterska”, në gjendje të dukshme të dehur, ka prishur rendin dhe qetësinë publike me sjellje të vrazhdë dhe të pahijshme dhe nuk ka vepruar sipas urdhrave të nëpunësve policorë gjatë kryerjes së detyrave zyrtare”, raportoi Policia e RMV-së.
Ai prej muajit prill kishte publikuar në rrjete sociale përmbajtje kundër kryetarit 37 vjeçar Gj.K, ndërsa paraprakisht e kishte sulmuar edhe L.L. në një objekt hotelerik.