Një nga faqet e rrjeteve sociale me emrin “Haraçina vend I’trimav” ka publikuar detaje nga ngjarja e sotme ku siç thonë ata policët kanë gjuajtuar me armë drejt një kamioni të ngarkuar me dru.
Më poshtë ju sjellim tekstin integral të postimit në këtë faqe:
Sot rreth orës 10:00 në Haraçinë, konkretisht në rrugën 11, ndodhi një skandal i tmerrshëm që ka tronditur banorët!
Policia duke ndjekur një kamion me dru, kamioni i derdhi drutë në rrugë, bllokoi kalimin dhe u largua.
Policia gjuajti me 4 plumba kallashnikovi në drejtim të kamionit — në mes të mahallës, në zonë të mbingarkuar me njerëz, gra, fëmijë dhe banorë të pafajshëm!
Nga trauma dhe paniku intervenoi edhe ndihma e shpejtë mjekësore, ku u traumatizuan 2 gra dhe 1 fëmijë. A është kjo mënyra si mbrohen qytetarët?!
A janë normal këta Polic që shtijnë me armë të gjata aty ku ka fëmijë, gra dhe burra të moshuar?! Kush merr përgjegjësi nëse një plumb do të merrte jetën e një të pafajshmi?!
Qytetarët me të drejtë dolën dhe bllokuan rrugën duke kërkuar përgjigje dhe përgjegjësi nga institucionet shtetërore, por edhe nga përfaqësuesit politikë shqiptarë!
A është e lejuar që në mes të lagjes të përdoret kallashnikovi si në luftë?! Ku është siguria e qytetarëve?! Ku është përgjegjësia?!
Heshtja përballë këtij rasti është bashkëfajësi! – thuhet në postimin në fjalë.