Huzeir Mustafi- ShFK Naim Frashëri Institucioni që vazhdon të mbetet vatër e dijes, edukimit dhe identitetit tonë kombëtar.

Kënaqësi dhe krenari që sot mora pjesë në manifestimin solemn të 50 vjetorit jubilar të SHFK “Naim Frashëri”, një tempull dijeje që për gjysmë shekulli ka edukuar dhe formuar breza të tërë me vlera, kulturë dhe dashuri për atdheun. Atmosfera ishte madhështore dhe e mbushur me ngrohtësi njerëzore. Programi artistik i përgatitur nga nxënësit ishte i jashtëzakonshëm, me paraqitje plot talent, emocion dhe përkushtim. Çdo pikë artistike përcolli mesazhe të fuqishme edukative, ndërsa në veçanti më lanë mbresa interpretimet kushtuar ruajtjes së traditës, të cilat dëshmuan se trashëgimia jonë kulturore jeton fuqishëm në zemrat e brezit të ri. Në këtë jubile të artë, uroj nga zemra drejtorin e shkollës, mësimdhënësit, nxënësit dhe të gjithë prindërit për përkushtimin dhe kontributin e tyre të çmuar ndër vite. Pesëdhjetë vite histori nuk janë vetëm një përvjetor, por një dëshmi e rrugëtimit të suksesshëm të një institucioni që vazhdon të mbetet vatër e dijes, edukimit dhe identitetit tonë kombëtar. Qoftë ky jubile frymëzim për shumë suksese të reja dhe për shumë gjenerata që do ta mbajnë lart emrin e SHFK “Naim Frashëri”.