26-vjeçari i arrestuar me inicialet T.B. nga Staro Nagoriçan në shkurt të këtij viti nën dyshimin për vrasjen e dy grave të moshuara, pas zgjerimit të hetimit Prokuroria ka mbledhur prova se personi i njëjtë ka vrarë edhe dy gra tjera, gjatë periudhës janar-shkurt të këtij viti. Pos kësaj, i arrestuari, dyshohet edhe për tentim-vrasje edhe dy të grave të tjera në periudhën korrik 2025 – shkurt 2026. Në brifing me gazetarët, prokurori i lëndës Lubomir Llape deklaroi se bëhet fjalë vrasës serial.
“Aq sa unë kam njohuri, bëhet fjalë për rast të parë për të cilin nga provat del se bëhet fjalë për vrasës serial i cili ka kryer edhe vepër penale femicid, gjegjësisht gjatë kryerjes së dhunës të bazuar në gjini. Hetimi do të vazhdojë dhe presim që së shpejti të dorëzojmë edhe aktakuzë”, deklaroi Lubomir Llape, Prokuror.
Të gjitha viktimat janë të rrethit të Stargo Nagoriçanit, ndërsa nuk ka informata që i dyshuari të ketë vepruar edhe në rajone tjera. Sipas Prokurorisë, gratë nuk janë të rrethit familjar të të dyshuarit, e as nuk ka pasur kurrfarë lidhjesh me ata, por i ka vrarë vetëm për shkak gjinisë. Në kuadër të hetimit një ekip i veçantë ka analizuar të gjitha vdekjet e grave gjatë periudhës kur kanë ndodhur vrasjet, ndërsa për këtë janë zhvarrosur tre gra të cilat mjekët i kanë konstatuar se kanë vdekur pa shenja dhune. Megjithatë, pavarësisht konstatimit të mjekëve, ekipi hetues ka konstatuar se dy prej tyre kanë qenë të vrara. Për këtë, autoritetet policore kanë dorëzuar kallëzim penal ndaj dy mjekëve të cilët, pavarësisht se viktimat kanë qenë me shenja dhune, ata kanë konstatuar vdekje natyrore.
“SPB Kumanovë deri te Prokuroria Themelore Publike Kumanovë ka dorëzuar edhe kallëzim penal për kryerjen e veprës “punë e pandërgjegjshme në shërbim” kundër personave që kanë konstatuar vdekjen M.S. dhe D.D. nga Spitali i Përgjithshëm i Kumanovës”, thanë nga Ministria e Punëve të Brendshme.
Gratë e vrara nga dhuna, janë evidentuar nga mjekët se kanë ndërruar jetë nga vdekja natyrore
Kallëzim penal për dy mjekë nga Spitali i Kumanovës
I dyshuari për gjithsej 6 vepra penale, 4 vrasje dhe 2 tentim vrasje vazhdon të jetë në paraburgim./Alsat.