Një banor 89-vjeçar i Rosoman ka humbur jetën mbrëmjen e sotme në një aksident të rëndë trafiku në rrugën rajonale Gradsko – Prilep, pasi është goditur nga një automjet transportues.
Aksidenti ka ndodhur rreth orës 18:55 në Rosoman, ndërsa informacionin e ka konfirmuar zëdhënësja e SPB Veles, Ana Milevska Gjorgjieva.
Sipas policisë, kamioni i tipit “Scania” me targa të Kavadarit, së bashku me rimorkio, i drejtuar nga R.L. (45) nga Kavadar, ka goditur këmbësorin K.G. (89) nga Rosomani.
Si pasojë e plagëve të marra, 89-vjeçari ka ndërruar jetë në vendin e ngjarjes, ndërsa vdekjen e ka konstatuar ekipi i Ndihmës së Shpejtë nga Kavadari.