VLEN është shpresa që u kthye në lëvizje politike. Shpresa e shqiptarëve që nuk pranuan të mbeten peng i politikës së vjetër, i premtimeve të përsëritura dhe i rrotullimit të fytyrave të njëjta përreth pushtetit. Ajo që filloi si bashkim për ndryshim, po rritet si bindje e përbashkët se shqiptarët kanë nevojë për një forcë politike që nuk i ndan, por i bashkon, nuk i përdor, por i përfaqëson.
VLEN është përgjigjja për ndryshimin, meqë nuk ofron vetëm fjalë, por drejtim. Shqiptarët nuk kanë nevojë për politikë që i trajton si numër, por për politikë që ndërton besim, përgjegjësi dhe drejtim të sigurt për të ardhmen.
VLEN sjell zgjidhje të qëndrueshme, jo arnime politike si ato që lanë në trashegimi një sistem të mbushur me pengesa, stërkëmbëza dhe probleme të krijuara me qëllim. VLEN e sheh politikën si përgjegjësi afatgjate, jo si pronë private apo interes të një rrethi të ngushtë. Ky është momenti për një subjekt të fuqishëm, të bashkuar dhe të qartë.
VLEN po vjen. Nëse jo sot, kur?