Kumanovë – Një nxënës 10-vjeçar nxënës i klasës së pestë është sulmuar dje nga qentë endacakë brenda oborrit të shkollës fillore “Toli Zordumis”,në Kumanovë duke ngritur shqetësime serioze për sigurinë e nxënësve.
Ngjarja ka ndodhur dje rreth orës 14:45, gjatë pushimit të madh. Sipas informacioneve tre qen endacakë kanë sulmuar nxënësin e klasës së pestë me inicialet K.S., duke shkaktuar panik te nxënësit dhe personeli i shkollës.
Pas incidentit, fëmija është dërguar menjëherë për trajtim mjekësor, ndërsa rasti është denoncuar në polici nga prindi i tij.
Familja kërkon reagim urgjent nga institucionet kompetente dhe ndërmarrjen e masave konkrete për largimin e qenve endacakë nga hapësirat publike, veçanërisht nga ambientet shkollore.
Ky rast rikthen në fokus problemin e qenve endacakë në Kumanovë dhe nevojën për veprim të menjëhershëm nga autoritetet komunale për të garantuar sigurinë e qytetarëve, sidomos të fëmijëve./Televizioni News