19-vjeçari nga Kumanova pëson lëndime të rënda pasi përplaset me motor në shtyllë
Një i ri 19-vjeçar nga Kumanova ka mbetur i lënduar rëndë në një aksident trafiku që ndodhi në orët e para të mëngjesit.
Sipas njoftimit të Ministrisë së Punëve të Brendshme, ngjarja ka ndodhur më 20 prill 2026 rreth orës 01:00, në kryqëzimin e rrugëve “Mosha Pijade”, sheshi “Marshall Tito” dhe “Ivo Lola Ribar” në Kumanovë. I riu me inicialet H.Z., duke drejtuar një mopedi me targa të Kumanovës, ka humbur kontrollin mbi mjetin, ka dalë nga rruga dhe është përplasur në një shtyllë metalike.
Si pasojë e aksidentit, drejtuesi i mjetit ka pësuar lëndime të rënda trupore, të cilat janë konstatuar në Spitalin e Përgjithshëm të Kumanovës.
Nga ana e policisë është kryer hetimi i vendit të ngjarjes, ndërsa po hetohen rrethanat e aksidentit.