Nga Kumanova në Zvicra, një rrugëtim i gjatë, i mbushur me sfida, sakrifica dhe suksese. Kjo është historia e Irfan Kadriji i cili prej vitesh jeton dhe vepron në Lyz të Bernit.
I larguar nga vendlindja që në moshën 17-vjeçare, ai nisi një jetë të re në mërgim, me shumë ëndrra dhe sfida. Sot, falë punës së palodhshme dhe përkushtimit, Irfani është një biznesmen i suksesshëm, duke menaxhuar tre biznese të frekuentuara – dy kafiteri dhe një piceri, ku çdo ditë mirëpriten klientë nga vende të ndryshme.
Por, përtej suksesit, zemra e tij mbetet e lidhur fort me vendlindjen. Me emocione të thella dhe shpeshherë me lot në sy, ai kujton momentin e largimit nga Kumanova dhe mallin që nuk e ka lënë kurrë.
“Vendin nuk e harroj asnjëherë… aty kam rrënjët e mia,” – shprehet ai me zë të dridhur.
E veçanta e kësaj historie është se dashuria për vendlindjen është përcjellë edhe te brezi i ri. Fëmijët e tij, të lindur dhe rritur në Zvicër, kanë një dëshirë të madhe për të vizituar vendin e babait të tyre, për të njohur rrënjët dhe për të ndjerë nga afër atë lidhje të fortë që ai mban në zemër.
Nga Lyz i Bernit, kjo histori dëshmon se suksesi në mërgim ndërtohet me punë, por zemra mbetet gjithmonë në vendlindje – një ndjenjë që trashëgohet brez pas brezi./Televizioni News
https://www.youtube.com/watch?v=y-ztDhK7c9I&t=124s