Ka nisur dita e dytë e Samitit të IV të Diasporës. Kryeministri i Shqipërisë, Edi Rama u shpreh se ky samit nuk është një mbledhje ceremoniale, por një deklaratë qëllimesh të përbashkëta dhe një dëshmi e qartë se diaspora nuk qëndron në periferi të jetës kombëtare, por në qendër të saj. Sipas tij, Shqipëria nuk është më një vend që i kërkon diasporës vetëm kujtesë, por një “kantier i madh transformimesh” që e fton atë të marrë pjesë aktivisht në investime, inovacion dhe në jetën akademike, si dhe në ndërtimin e së ardhmes së vendit.
Rama: Ky Samit nuk është një mbledhje ceremoniale, është një deklaratë qëllimesh të larta dhe të përbashkëta, është mishërimi i bindjes sonë se diaspora nuk është në periferi të jetës kombëtare të Shqipërisë, por në qendrën e saj. Shqipëria nuk është më vendi që i kërkon diapsorës kujtesë, por një kantier i madh transfromimesh që e fton diapsorën në pjesëmarrje. Pjesëmarrje në investime, pjesëmarrje në inovacion dhe në jetën akademike, pjesëmarrje në ndërtimin e së ardhmes së Shqipërisë.
Si në çdo kantier edhe në kantirerin e Shqipërisë ka pluhur, pisllëk, zhurmë, por mjafton të kthejmë kokën pas në kohën kur ne filluam të mendomim për samitin e parë të Diasporës për të marrë kurajo, forcë, guxim dhe për të vijuar punën kolosale që kemi nisur. Ky ishte një moment ritakimi në një vend plot shpresë të rilindiur por dhe plagë të hapura. Ishte një hap i parë për t’u ndjerë më të fortë përvallë përpjetës të thepisur që duhet të ngjisnim drejt majës ku sot jemi më afër se kurrë ndonjëherë.