Kryeministri Edi Rama mori pjesë në edicionin e dytë të MatchMaker Albania, platformës së biznesit që lidh investitorë, kompani dhe institucione vendase dhe ndërkombëtare. Ngjarja mblodhi mbi 1,000 pjesëmarrës.
Rama e konsideroi këtë platformë si një mundësi të jashtëzakonshme për të promovuar sipërmarrjen shqiptare dhe për të integruar vendin në tregjet ndërkombëtare.
“Ky është një hap i rëndësishëm për të krijuar ekosisteme që lidhin bizneset me njerëzit dhe investitorët e duhur,” tha ai, duke theksuar rolin e të rinjve dhe inovacionit në zhvillimin ekonomik.
Sipas kryeministrit, ngjarje si MatchMaker Albania tregojnë se Shqipëria nuk është më vetëm një tokë me potencial, por një destinacion aktiv për investime, duke ofruar mundësi të reja dhe lidhje strategjike për sipërmarrësit vendas dhe të huaj.
Rama: Dua të sigurohem që të gjithë ta dinë që ai qeni që çeli këtë seancë është i prodhuar në Shqipëri dhe është puna e të rinjve shqiptarë të talentuar që shpresoj se do të bëjnë më shumë. Do të jenë një përfitim mjaft i madh për industrinë tonë ushtarake. Për të folur për këtë ngjarje dua të citoj një mik të ndjerë, shkrimtar i famshëm shqipar Moikom Zeqo, i cili në një vepër kushtuar historisë së kishës së Labovës së kryqit, është një kishë në Gjirokastër, shkroi për panairin e Shën Mërisë, organizuar asaj kohe nën mbikëqyrjen e Justinianit në shekullin e 6. Një ditë përpara panairit tregtarët mbërrinin nga Gjirokastara, Libohova për të tregtuar prodhimet e tyre në një vend që njihej si lëmi i valleve. Më vonë panairet kanë qenë gjitmonë një mënyrë për të rrëfyer histori. Në po të njëtin vend panairi i parë pas rënies së regjimit komunist u çel.
Në zanafillë të viteve ’30 ishte koha prej nga nisi kjo lidhje, por u deshën 50 vjet që të kthehej sërish. Gjatë panaireve të para fare të Levantes, Shqipëria rrekej të hidhte të tregun e turizmit banjat termale dhe pak produkte ushqimore dhe tekstile. Më pas Shqipëria hyri në një fazë të re, ndjekur nga panairet e kutive të misterit. Ja ku vijmë sot, në një epokë ndryshe, në një gjeneratë sipërmarrjeje ndryshe, një kohë ndryshe për ne po aq sa është për botën. Në fakt gjëja më e mirë është që sot Shqipëria reflekton kohën e botës. Ndërkohë vetëm pak javë më parë panairi botëror në Berlin na tregon që Shqipëria nuk është më një tokë e premtuar për një të nesërme më të mirë, por një vend që të gjithë duhet ta shohin e ku të gjithë duhet të hidhen dhe të bëjnë sikur nuk ka të nesërme. Gati të ndërtojmë ekosisteme që përshtaten me nevoja te sipërmarrësve, gati të lidhim bizneset, njerëzit, ambiciet. Match Maker nisi si histori suksesi falë një personi, individi ambicioz që drejton agjencinë AIDA./vizionplus.tv