Hoteli “Liria” i vendosur në ”Sokakun e gjerë” në zemër të Manastirit, ishte shumë më tepër se një hotel.
Me plot të drejtë, Muzeu i Shkronjave nga Kongresi i Manastirit është dashur të hapet pikërisht këtu, sepse në këtë objekt ka kuvenduar Këshilli i Kongresit, përcjell INA.
Ai shërbeu si qendër e veprimtarisë kombëtare gjatë periudhës së Rilindjes Kombëtare Shqiptare.
Pronarët e tij, vëllezërit Gërmenji, mbështetën aktivisht intelektualët dhe patriotët shqiptarë. Kjo foto është edhe një nga kujtimet e rralla të kësaj familje emblematike.
Gjatë Kongresi i Manastirit (nëntor 1908), ku u vendos alfabeti i gjuhës shqipe, hoteli “Liria” u bë një pikë kyçe për akomodimin dhe organizimin e delegatëve, por aty ishin mbajtur edhe takimet dhe konferencat e Kongresit.
Sot, ndërtesa ekziston ende, por ajo nuk është më ajo.
Njëra nga pasardhëset e familjes Gërmenji posedon tapi nga koha osmane, megjithatë klasat tona politike ia kanë ndaluar aktivitetin për rikthimin e objektit.
Në vitet e Jugosllavisë Mbretërore, emri i hotelit ndryshohet: nga “Hotel Liria”, serbët ia vendosin emrin “Hotel Beograd”, dhe kështu quhet për një kohë të gjatë, deri sa nuk e nacionalizojnë komunistët jugosllavë.
Ndërsa, objekti ku sot është vendosur muzeu ka qenë dikur një kasolle dhe magazinë për mallra e Feim Bej Zavalani. Ai objekt nuk ka asnjë rol historik, sepse shqiptarët kanë jetuar në qendër të Manastirit, e jo në periferi. Kjo është historia reale e këtij objekti. (INA- Iliria News Agency)
