Të rinjtë nga Shkupi krah Ajredin Qailit nga fshati Hotël në N9NE MMA Fight Night në Bülach të Zvicrrës

Disa të rinj nga Shkupi kanë blerë rreth 10 bileta, mes tyre standarde dhe premium, për eventin N9NE MMA Fight Night, që do të mbahet në Bülach, me qëllim që të jenë krah për krah me shokun e tyre Ajredinin, të cilin e konsiderojnë më shumë se mik – vëlla. Lidhja mes tyre nuk është rastësore ata janë njohur në xhami, aty ku është ndërtuar besimi, respekti dhe vëllazëria që sot i bashkon edhe jashtë saj. Me besim të palëkundur në përgatitjen, forcën dhe aftësitë e Ajredinit, ata theksojnë se mbështetja e tyre do të jetë e pakushtëzuar deri në fund, duke qenë të bindur se ai do të hyjë në kafaz jo vetëm për veten, por për të gjithë ata që qëndrojnë fuqishëm pas tij.Ndërkohë, surprizat nuk pritet të ndalen, pasi ekziston mundësia që ata, së bashku me Ajredinin, të paraqiten edhe në një kanal televiziv, ku do të zhvillohet një intervistë e përbashkët para eventit, duke rritur edhe më shumë interesin për këtë përballje./Televizioni News