Fushata zgjedhore po hyn në fazën e saj të fundit. Kanë mbetur shtatë ditë deri në heshtjen zgjedhore para zgjedhjeve që do të mbahen më 19 tetor. Aktivitetet zgjedhore të partive vazhdojnë dhe sot.
Koalicioni i udhëhequr nga VMRO-DPMNE do të jetë në pjesën jugore të vendit me tubime dhe takime me qytetarë në Dojran, Vallandovë, Bogdanci dhe Gjevgjeli, ndërsa kandidati i tyre për kryetar të Shkupit, Orce Gjorgievski, do të mbajë një konferencë për shtyp.
LSDM-ja opozitare sot do të vizitojë disa nga komunat e Shkupit dhe komunën e Bërvenicës në Tetovë. Karvani i LSDM-së do të jetë në Sopishtë, Gjorce Petrov dhe Gazi Babë. Kandidatja për kryetar të Shkupit, Kaja Shukova, do të japë edhe një deklaratë për mediat.
Për sot, aktivitetet zgjedhore në Manastir janë planifikuar nga partia politike E Majta, ku është paralajmëruar prania e kryetarit të partisë Dimitar Apasiev dhe kandidates për kryetar të Strugës, Jovana Mojsovska. Një konferencë për shtyp sot do të mbajnë edhe Lëvizja për të Lirë dhe të Pavarur dhe nënkryetari i BDI-së Arbër Ademi dhe kandidati për kryetar të Likovës, Erkan Arifi.