Njëri nga liderët e koalicionit VLEN, Zeqirija Ibrahimi, ka zhvilluar sot një vizitë në Strugë, ku bashkë me kryetarin e Kuvendit të RMV-së, Afrim Gashin, janë takuar me kandidatin për kryetar të kësaj komune, Mendi Qyrën.
Ibrahimi ka theksuar se vendimi i VLEN-it për të qëndruar pas kandidaturës së Qyrës ka qenë i drejtë, ndërsa struganët e kanë dëshmuar këtë me mbështetjen e tyre që në raundin e parë të zgjedhjeve.
“Sot, bashkë me kryetarin e Kuvendit, Afrim Gashi, vizituam kryetarin e ardhshëm të Strugës, Mendi Qyra. Ishte vendim i duhur i VLEN-it që qëndruam prapa kandidaturës së tij, ndërsa struganët i besuan këtij vendimi qysh në raundin e parë,” ka shkruar Ibrahimi.
Ai ka shtuar se më 2 nëntor pritet të formalizohet fitorja e Qyrës, duke rrethuar numrin 133 në fletëvotim.