Partitë politike në vend, LSDM dhe VMRO-DPMNE, vazhdojnë të shkëmbejnë akuza për inflacionin dhe rritjen e çmimeve që kanë rënduar standardin jetësor të qytetarëve. Në kumtesën e saj, LSDM thekson se çmimet e produkteve bazë janë rritur në qiell dhe as dy paga minimale nuk mjaftojnë për të përmbushur nevojat themelore të një familjeje katëranëtarëshe. Nga ana tjetër, VMRO-DPMNE e kundërshton këtë pretendim, duke theksuar se inflacioni dyshifror është pasojë e politikave të socialdemokratëve, të cilët, sipas tyre, rritën pagat e funksionarëve ndërsa lanë qytetarët të përballen me krizën.
LSDM
“Ushqimi është shumë i shtrenjtë, çmimet e produkteve bazë po rriten në qiell. Nga shporta e Vitit të Ri përveç tregtarëve nuk përfitojnë qytetarët. Të dhënat e fundit tregojnë se shporta minimale sindikale për muajin dhjetor është rritur për 840 denarë dhe arrin në 62.861 denarë. Nuk mjaftojnë as dy paga minimale për nevojat themelore të njerëzve”
Kundërpërgjigjen nga VMRO-DPMNE-ja. Sipas partisë në pushtet, LSDM-ja ishte kreatori i inflacionit dyshifror që goditi standardin e qytetarëve. VMRO-DPMNE rikujton se socialdemokratët rritën pagat e funksionarëve kurse I ulën të punëtorëve.
VMRO-DPMNE
“Tani u liruan çmimet e mbi 1.100 produkteve dhe kjo do të vazhdojë. LSDM-ja në këtë mënyrë po tregon se është kundër zbritjes së çmimeve për qytetarët. Institucionet shtetërore do të dalin në terren dhe duhet t`i dënojnë të gjithë ata që përfitojnë në kurriz të qytetarëve. Ky është dallimi me funksionimin e ligjeve tani dhe në kohën e LSDM-së”
Ndryshe, për nevojat themelore, një familjeje katëranëtarëshe, gjatë dhjetorit, nevojiten 62.861 denarë. Sipas Lidhjes së Sindikatave të Maqedonisë, shporta minimale sindikale është rritur për 840 denarë krahasuar me nëntorin.
Sindikatat shfaqin shqetësime për shkak se tregtarët e kanë shfrytëzuar periudhën para hyrjes në fuqi të aksionit të fundit dhe sic thonë, është evidente se kanë rritur cmimet./ Televizioni News