Mickoski: Derisa jam unë kryeministër nuk do të ketë diktate dhe ultimatime për ndryshimet kushtetuese

Maqedonia nuk do ta hapë procesin e ndryshimeve kushtetuese në Kuvend, derisa Kuvendi i Bullgarisë nuk e miraton Marrëveshjen Qasëse të RMV-së, kështu deklaroi kryeministri i vendit, Hristijan Mickoski.Ai tha se nuk pranon ultimatume dhe diktate dhe se nëse këto janë vlera të BE-së, ai nuk është bashkëbisedues i mirë. “Që të fillojë procesi i ndryshimeve kushtetuese, duhet të pranohet propozimi ynë. Atëherë mund të fillojmë procesin në bazë të atij parimi. Ai është që kur Kuvendi Bullgarisë ta ratifikojë Marrëveshjes Qasëse të shtetit tonë në kuadër të Bashkimit Europian, të vlejnë ato ndryshime kushtetuese që mendoj se janë zgjidhje për të gjithë duke e pasur parasysh gjendjen në të cilën na futi qeveria paraprake, ku fjalën kyçe e kishte Bujar Osmani dhe pas tij udhëhiqte Mariçiqi dhe Kovaçevski. Tani e kuptoj se çfarë ka ndodhur në atë periudhë dhe më besoni, informacionet janë për t’u shokuar. Mënyrë tjetër e miratimit të ndryshimeve kushtetuese nuk do të ketë. Derisa unë jam kryeministër nuk do të ketë ultimatume dhe diktate. Nëse mendojnë se në këtë mënyrë duhet ta promovojmë vlerën europiane, atëherë më falni, por unë nuk jam bashkëbisedues i mirë”, tha Mickoski.I pyetur disa herë për deklaratën e presidentes së Komisionit Europian, Ursulla vond der Layen, se Maqedonia duhet sa më parë të miratojë ndryshimet kushtetuese, Mickoski tha se duhet ende kohë.