TV News
Kulturë

Një mozaik për aktorët shqiptarë/ Myftar Cubi sjell yjet e kinematografisë në një ekspozitë

Portrete të aktorëve më të njohur ndër vite të kinematografisë shqiptare të kompozuara në mozaik, vijnë pranë publikut të Tiranës nga artisti shkodran Myftar Cubi.

 

Gurët, të ndërthurur me njëri-tjetrin, i kanë dhënë mundësinë Cubit të shprehë ndjesitë e brendshme përmes një stili unik, duke rijetësuar artistët që nga Naim Frashëri, Sandër Prosi, Kadri Roshi, Rikard Larja etj e duke improvizuar një plejadë të tërë aktorësh në një skenë të përbashkët.

 

MYFTAR CUBI

 

ARTIST

 

“Këtu je i kufizuar, kur bën portretet duhet t’i kapësh në karakter në radhë të parë, për të mos thënë botën e tyre shpirtërore. Portreti të ngarkon edhe nga ana psikologjike gjithashtu. Sigurisht unë kam shkuar pas në kohë që nga filmat e parë me Naim Frashrin, me filmin e “Skënderbeut” me filmin e “Tanës” e shumë filma të tjerë. Unë jam munduar që ti marr sipas një kronologjie këto filma.”

 

Veçantia e mozaikut të Cubit qëndron në realizimin e mozaikëve me gurët natyrorë, të pangjyrosur të bregdetit tonë, sigurimi i të cilëve është sfidë më vete.

 

MYFTAR CUBI

 

ARTIST

 

“Në fakt jam i vetëm që punoj në këtë zhaner, mozaik me gurë natyral të mbledhura në bregdet nga fundi që kemi në Konispoli deri në Kotor. Teknologjia, mënyra sesi punoj është e vështirë do kohë, do mund. Për mua këto janë punë me dimensione të vogla po që vlerat i kanë të mëdha.”

 

Ekspozita “Aktorët shqiptarë ndër vite” do të jetë e hapur për të gjithë publikun deri më datë 25 shtator, në hollin e Muzeut Historik Kombëtar.

Lajme të ngjashme

619 vjet nga lindja e Gjergj Kastriotit – Skënderbeut

Suad Avdiu

Përkujtohet patrioti dhe veprimtari shqiptar, Avni Rustemi

Suad Avdiu

DW: Pse gjithnjë e më shumë jomyslimanë po e festojnë Ramazanin

Suad Avdiu