Stuhia ka shkaktuar kaos në rrugë: disa trupa pemësh janë rrëzuar dhe kanë rënë në autostrada, duke bllokuar korsi të tëra
E premte, 31 Mars 2023 – 16:41
Boris Roessler/dpa +++ dpa-Bildfunk +++
Stuhia “Mathis” aktualisht ka përfshirë anën veriore të Alpeve, transmeton albinfo.ch. Shpërthime prej 107 kilometrash në orë janë matur edhe në Cyrih.
Erërat kanë rrëzuar pemë në rrugë, mes tjerash ehde në autostradën A1 dhe kanë shkaktuar vonesa në trafik, shkruan srf.ch.
Në male, shpërthimi më i fortë i stuhisë “Mathis” është matur në Säntis me 143 kilometra në orë ndërsa në Pilatus erërat kanë zhvilluar një shpejtësi deri në 133 km/h.
Stuhia ka shkaktuar gjithashtu një kaos në rrugë: disa trupa pemësh janë rrëzuar dhe kanë rënë në autostrada, duke bllokuar korsi të tëra. Janë prekur A1 në kantonin e St. Gallen midis Meggenhus dhe Rheineck dhe midis Lozanës dhe Gjenevës pranë Coppet.
Një pemë ka rënë gjithashtu në zonën e shërbimit të rrugës në Fuchsberg në autostradën A3, në kantonin Schwyz, trasnmeton albinfo.ch. Sipas policisë së qytetit, tregjet rrugore të të shtunës, në Uster ZH janë anuluar, si masë paraprake.
Brigada e zjarrfikësve gjithashtu kishte shumë punë në kantonin e Bernës dhe duhej të bënte disa ndërhyrje të premten pasdite, siç raporton shërbimi i mbrojtjes dhe shpëtimit të Bernës. Disa trupa pemësh kanë rënë mbi makina dhe motoçikleta në qytetin e Bernës. Nuk ka të lënduar
